Shoqata Shqiptare e Bankave (AAB) kërkon të punësojë 1 (një) punonjës, si më poshtë vijon:
Pozicioni: Koordinator, Për Trajnimet dhe Edukimin Financiar
Përgjegjësitë kryesore:
- Koordinon dhe bashkëvepron për organizimin e trajnimeve nga ana e AAB-së nëpërmjet:
- Organizimi i trajnimeve, seminareve, simpoziumeve, tryezave të rrumbullakëta sipas çështjeve që koordinon, në përgjigje të interesit dhe dakordësimit me bankat;
- Bashkëpunimi me partnerë trajnues kombëtarë dhe ndërkombëtarë, në përgjigje të kërkesave dhe interesave të paraqitura nga bankat.
- Përgjegjës për planifikimin dhe koordinimin mes palëve për organizimin e aktiviteteve për edukimin financiar.
- Koordinon dhe bashkërendon veprimtarinë e komiteteve teknike të ngarkuara.
- Përgjegjës për zbatimin e rregullores nga çdo komitet dhe për veprimtarinë e tij në përputhje me rregulloren.
- Përgjegjës për dërgimin e materialeve dhe informacionit përkatës për pasqyrim në faqen e internetit të AAB dhe rrjetet sociale për trajnimet dhe Edukimin Financiar.
Kërkesa specifike:
- Eksperiencë pune jo më pak se 4 vjet.
- Mbaruar studimet e nivelit Master.
- Preferohet diploma në fushën e ekonomisë.
- Njohës dhe përdorues i gjuhës angleze në nivel shumë të mirë.
- Aftësi shumë të mira komunikimi, organizimi dhe pune në grup.
Dokumente që kërkohen:
- CV në formatin europass, me foto.
- Kopje të skanuara të diplomave të arsimit të lartë.
- Letër motivimi.
- Dy letra rekomandimi.
Afati i dorëzimit të dokumenteve është data 31 tetor 2022 në adresën: Shoqata Shqiptare e Bankave, Rr. Ibrahim Rugova Nr. 5, SKY TOWER, A 9/3, Tiranë;
ose me e-mail në adresën: secretariat@aab-al.org.
AAB ruan të drejtën e njoftimit vetëm të kandidatëve që do të përzgjidhen për intervistë.
