Një partneritet i ri për zhvillimin ekonomik: AAB në dialog me Bankën Shqiptare të Zhvillimit
Më 9 korrik 2026, Shoqata Shqiptare e Bankave (AAB) dhe Banka Shqiptare e Zhvillimit (ADB) organizuan një takim me fokus forcimin e bashkëpunimit ndërmjet sektorit bankar dhe institucionit të ri të financimit të zhvillimit. Në takim morën pjesë drejtorët e përgjithshëm të bankave dhe përfaqësues të nivelit të lartë të ADB.
Banka Shqiptare e Zhvillimit prezantoi mandatin e saj, prioritetet strategjike dhe vizionin afatgjatë për mbështetjen e zhvillimit ekonomik të vendit. Diskutimet u përqendruan në mundësitë për bashkëpunim dhe në rolin e bankave tregtare si partnerë strategjikë në zbatimin e instrumenteve dhe iniciativave që synojnë nxitjen e investimeve të qëndrueshme.
Përfaqësuesit e bankave anëtare të AAB zhvilluan një dialog konstruktiv mbi mënyrat se si sektori bankar mund të kontribuojë në krijimin e mekanizmave efektivë të financimit, në mbështetje të bizneseve, komuniteteve dhe zhvillimit të qëndrueshëm ekonomik të Shqipërisë.
AAB vlerëson rëndësinë e dialogut si një hap pozitiv drejt ndërtimit të një partneriteti afatgjatë ndërmjet sektorit bankar dhe Bankës Shqiptare të Zhvillimit. Bashkëpunimi ndërinstitucional dhe shkëmbimi i vazhdueshëm i ekspertizës do të jenë elementë kyç për forcimin e ekosistemit financiar dhe promovimin e zgjidhjeve që krijojnë vlerë të shtuar për ekonominë shqiptare.
