Shoqata Shqiptare e Bankave (AAB) zgjedh kryetarin e ri të Bordit Mbikëqyrës
×
Më 18 tetor 2018, u organizua forumi mbi mbi sigurinë kibernetike. Një ngjarje e suksesshme dedikuar çështjeve të sigurisë kibernetike dhe informative, organizuar nga Shoqata Shqiptare e Bankave. Forumi mblodhi ekspertë kombëtarë dhe ndërkombëtarë të sigurisë kibernetike, të cilët shkëmbyen njohuri dhe paraqitën praktikat më të mira dhe mundësi zhvillimi rreth temave që u diskutuan.
Më shumë se 40 pjesëmarrës ndoqën forumin i cila përfshinte 2 sesione. Gjatë sesionit të parë, eksperti i ATTF-së, z. Hristiyan Lazarov, Digital Forensics & Response Incident, Silent Breach, u përqendrua në rëndësinë e menaxhimit të sigurisë kibernetike dhe të informacionit. Folësit në sesionin e dytë prezantuan për pjesëmarrësit gjëndjen në vend. Znj. Elisa Stamo, nga Autoriteti Kombëtar për Certifikimin Elektronik dhe Sigurinë Kibernetike, prezantoi kuadrin e ri ligjor dhe rregullator dhe Dr. Hergis JICA, Kryekomisar, Njësia për Krimin Kibernetik, Policia e Shtetit Shqiptar, prezantoi trendet e krimit kibernetik në Shqipëri.
Forumi u organizua në kuadër të Muajit të Ndërgjegjësimit të Sigurisë Kibernetike, i cili është një iniciativë vjetore e dizajnuar për të rritur ndërgjegjësimin për rëndësinë e Sigurisë Kibernetike dhe për të siguruar biznesin dhe qytetarët me mjetet dhe burimet e nevojshme për sigurinë në internet, si dhe për të përmirësuar reagimin ndaj çdo incidenti të mundshëm kibernetik.