Shoqata Shqiptare e Bankave (AAB) zgjedh kryetarin e ri të Bordit Mbikëqyrës
×
Më 7 nëntor 2018, AAB bashkëorganizoi me Zyrën e Komisionerit të Informacionit dhe Mbrojtjes së të Dhënave (IDP), një tryezë diskutimi mbi rregullat në lidhje me mbrojtjen e të dhënave personale dhe ndikimin në sektorin bankar. Duke pasur parasysh përputhshmërinë me kërkesat e Rregullores së Mbrojtjes së të Dhënave të Përgjithshme të BE-së (GDPR), seminari trajtoi dispozita të ndryshme të kësaj rregulloreje dhe atë që bankat duhet të bëjnë për të qenë në përputhshmëri. Në këtë tryezë morën pjesë përfaqësues nga Banka e Shqipërisë, Zyra e Komisionerit për të Drejtën e Informimit dhe Mbrojtjen e të Dhënave, si dhe ekspertë nga bankat tragtare. Të pranishmit u përshëndetën nga nga z. Besnik Dervishi, Komisioneri për të Drejtën e Informimit dhe Mbrojtjen e të Dhënave Personale dhe nga z. Spiro Brumbulli, Sekretari i Përgjithshëm i AAB-së.
Znj. Pjerina Gaxha, Drejtori i Drejtorisë për Mbrojtjen e të Dhënave Personale, mbajti një prezantim për të pranishmit, ku i njohu me legjislacionin mbi Mbrojtjen e të Dhënave Personale dhe praktikën e Zyrës së Komisionerit me sektorin bankar. Në vijim, z. Italo De Feo, partner në CMS Adonnino Ascoli Cavasola Scamon, Itali, prezantoi zbatimin e Rregullores mbi Mbrojtjen e të Dhënave të Përgjithshme të BE (GDPR) nga sektori bankar.
Në mbyllje të veprimtarisë, pjesëmarrësit në këtë seminar kishin mundësinë të adresonin pyetjet e tyre.
