Shoqata Shqiptare e Bankave (AAB) zgjedh kryetarin e ri të Bordit Mbikëqyrës
×
Më 1 qershor u organizua takimi i punës: “SWIFT: Programi i Sigurisë së Klientit (CSP) në Shqipëri”, i cili është një program i nisur nga shoqëria SWIFT, pas sulmeve kibernetike që ndodhën në Filipine një vit më parë. Takimi i punës u zhvillua në 2 pjesë dhe u ndoq nga Drejtuesit e Sigurisë së Informacionit – CISO; Drejtuesit e TI-së; kontaktet kryesore të SWIFT-it, Ministria e Financave, përfaqësues të Bankës së Shqipërisë dhe institucioneve financiare jo-bankare. Ekspertët SWIFT dhanë informacion rreth krimeve kibernetike të ndodhura dhe detaje të kontrolleve të sigurisë së CSP-së (16 detyrueshme dhe 11 opsionale), që duhet të zbatojnë institucionet financiare në 2017. Në këtë veprimtari pjesëmarrësit shqyrtuan kontrollet specifike në Alliance Access and Entry, diskutuan rrjedhojat e Release 7.2 dhe iu përgjigjën të gjitha pyetjeve ende të hapua në këtë fazë, edhe për përdoruesit e Lite2.
Më 2 qershor, u organizua takimi vjetor i UGM-së. Takimi u përqendrua në: përditësimin e Programit të Sigurisë së Klientit (CSP); Inovacioni i Pagesave Globale të SWIFT (SWIFTgpi); Portofoli i përputhshmërisë: Raporti i Vlefshmërisë Ditore; Cilësia e të dhënave të pagesave (FATF16, Rregullorja e dytë e transferimit të fondeve); Regjistri i KYC; Prezantimi dhe Shërbimet e Release 7.2; Botimet më të fundit të Bordit. Veprimtaria u ndoq nga përfaqësues të bankave anëtare dhe Bankës së Shqipërisë.
