Silvio PEDRAZZI

Kryetar
Drejtor i Përgjithshëm, Intesa Sanpaolo Bank Albania

Më shumë

Z.Pedrazzi  u emërua Drejtor i Përgjithshëm Ekzekutiv dhe anëtar i Bordit të Intesa Sanpaolo Bank Albania më 1 tetor 2013. Para emërimit në këtë pozicion ai ka qenë  Drejtor i  Commonwealth of Independent States (CIS) & South Mediterranean Area, përgjegjës për të koordinuar filiale të vendosura në Federatën Ruse, Ukrainë dhe Egjipt.

 

Ai e filloi karrierën e tij në sektorin bankar në vitin 1978 duke punuar në disa  banka të kursimeve italiane dhe iu bashkua Intesa Sanpaolo Group në vitin 2000. Në Itali, ai mbajti pozicionin e Drejtorit të Përgjithshëm të Cassa di Risparmio di Spoleto dhe të Cassa di Risparmio di Ascoli Piceno. Në vitin 2006 ai u emërua zëvendës kryetari i parë i Bordit Drejtues të Bankës Intesa Beograd (Serbi) dhe në vitin 2008 si Kryetar i Bordit Mbikëqyrës të Pravex-Bank (Ukrainë).

 

Përveç punës për Grupit Intesa Sanpaolo, ai është i përfshirë në mënyrë aktive në shoqatat kryesore si vijon:

  • Kryetari i Shoqatës së Investitorëve të Huaj të Shqipëri (FIAA)
  • Zëvendës Kryetari i Shoqatës Shqiptare të Bankave (AAB)
  • Anëtar Bordi i Dhomës Italiane të Tregtisë në Shqipëri
  • Anëtar i Bordit të Agjencisë së Zhvillimit të Investimeve në Shqipëri (AIDA)

Adela LEKA

Zëvendës Kryetare
Drejtuese e Drejtorisë Ekzekutive, Procredit Bank

Më shumë

Ka lindur në vitin 1982 në qytetin e Tiranës. Është bërë pjesë e stafit të Bankës ProCredit në Gusht 2004 si Asistente në Departamentin e Kontabilitetit, më pas si Specialiste në Departamentin e Raportimeve. Në Shkurt të vitit 2006 është emëruar Drejtor i Departamentit të Raportimeve. Në Shtator të vitit 2009 është emëruar Drejtor i Departamentit të Kontrollit Financiar. Në vitin 2013 u emërua Anëtare e Drejtorisë Ekzekutive të ProCredit Bank Shqipëri. Aktualisht është Drejtuese e Drejtorisë Ekzekutive të bankës ProCredit Shqipëri.Gjithashtu ajo është Anëtare dhe e Këshillit Mbikqyrës të bankës ProCredit Ekuador. Ka përfunduar studimet e larta në Fakultetin e Ekonomisë, Dega Financë, në Universitetin e Tiranës si dhe ka përfunduar në mënyrë të suksesshme Akademinë e ProCredit Holding, Frankfurt, Gjermani.


Maltin KORKUTI

Anëtar
Drejtor i Përgjithshëm, Credins Bank

Më shumë

Maltin Korkuti u ëmërua Drejtor i Përgjithshëm i Credins Bank më 17 korrik 2014. Para këtij pozicioni, ai ishte zv. Drejtor i Përgjithshëm i Credins Bank, si dhe anëtar Bordi që prej themelimit të Credins Bank në 31 mars 2003.

Z. Korkuti ka një eksperiencë 20 vjeçare në sektorin financiar, sektorin e sigurimeve,
menaxhimin e operacioneve bankare, riskut dhe veprimtarisë së thesarit. Ai ka luajtur një rol kyç në krijimin e strukturave të Bankës, por dhe në fillimin dhe veprimtarinë e suksesshme të shumë institucioneve financiare në fushën e sigurimit, investimeve, leasing, brokerimit dhe bursës. Kariera e tij në sektorin bankar ka qënë në funksione drejtuese në Bankën e Kursimeve, në Institutin Financiar “Credins” dhe në Credins Bank.

Z. Korkuti mban titullin “Magister rerum socialium oeconomicarumque” nga Universiteti i Vienës, fakulteti Ekonomisë, Dega Administrim Biznesi Ndërkombetar në 1999, si dhe titullin Doktor nga Universiteti i Tiranës, Dega Financë – Kontabilitet në vitin 2004.

Z. Korkuti, përtej gjuhës amëtare shqip, komunikon rrjedhshëm në Anglisht dhe Gjermanisht, dhe ka njohuri të mira në Italisht.


Dritan MUSTAFA

Anëtar
Drejtor i Përgjithshëm, Tirana Bank

Më shumë

Z. Mustafa u bë pjesë e Tirana Bank në Dhjetor 2014 si Zv. Drejtor i Përgjithshëm Ekzekutiv dhe u emërua Drejtor i Përgjithshëm Ekzekutiv i Komanduar në Janar 2015, duke marrë përsipër përgjegjësine e Kryetarit të Komitetit Ekzekutiv, Zv. Kryetarit të Këshillit Drejtues të Tirana Bank dhe Anëtarit të Këshillit Drejtues të Tirana Leasing. Që prej Nëntorit 2016, z. Mustafa është ngarkuar me detyrën e Drejtorit të Përgjithshëm Ekzekutiv në Tirana Bank. Z. Mustafa ka eksperiencë në sistemin bankar prej vitit 1995 në banka si BKT, NBG dhe Credit Agricole, kryesisht në pozicione drejtuese duke përfshirë edhe pozicionin e Zv. Drejtorit të Përgjithshëm që prej vitit 2004. Z. Mustafa është diplomuar në Universitetin e Tiranës në degën Administrim Biznes dhe zotëron një diplomë Master për Administrim Biznesi akorduar nga International Hellenic University, Selanik.


Andi BALLTA

Anëtar
Drejtor i Përgjithshëm, American Bank of Investments

Më shumë

Z. Ballta ka një eksperiencë të gjatë në sektorin bankar në SHBA dhe Europë. Z. Ballta, që nga 2008, është një ndër Menaxherët në drejtim të NCH Capital, një shoqëri investimesh private me qëndër në New York.
Ai ishte përgjegjës në NCH Capital për mundësitë investuese në Shqipëri, Bosnjë, Kroaci, Maqedoni, Greqi, Kosovë dhe Mali i Zi. Ai drejtoi blerjen dhe menaxhoi një portofol rajonal, gjatë kësaj kohe, të pronave të vendosura në bregdet në Greqi apo Ballkanin Perëndimor për zhvillime turistike. Në korrik 2014, fokusi i tij kryesor u zhvendos drejt menaxhimit dhe rritjes së kompanisë rajonale të NCH Capital, Tranzit Finance, me qëllim blerjen, mbledhjen dhe financimin e portofolit te borxhit. Në 2015, pas blerjes së Credit Agricole Shqipëri nga Tranzit Finance, Z.Ballta u bë Drejtor i Përgjithshëm Ekzekutiv i Bankës Amerikane të Investimeve. Z. Ballta, përpara bashkimit me NCH Capital, punoi për shtatë vjet në Israel Discount Bank në New York dhe Miami si Zv.President i lartë – Head of Sponsored and Syndicated Financing. Në këtë pozicion, ai ka drejtuar kredi me risk të lartë, gjenerimin e biznesit, strukturimin, vlerësimin e kredisë dhe tregtimin në tregun primar dhe sekondar. Në mes te viteve 1990 në Shqipëri, z. Ballta ka ndihmuar ndërmarrjet e vogla dhe të mesme në procesin e privatizimit dhe në lehtësimin e investimeve direkte në vend. Z. Ballta ka mbaruar studimet për Administrim Biznesi nga Universiteti Shtetëror i Tiranës dhe ka një master nga Universiteti i Shën Thomas në Miami,
Florida (MBA).


Bozhidar TODOROV

Anëtar
Drejtor i Përgjithshëm i First Investment Bank

Më shumë

Z. Bozhidar Todorov është Drejtor i Përgjithshëm i Fibank që nga muaji tetor i vitit 2007. Para emërimit të tij në këtë pozicion, ai punonte si Drejtor i Drejtor i Departamentit të Huave të Këqija dhe Provigjoneve në Fibank Bulgaria; Z. Todorov është një punonjës i kësaj banke dhe ka mbuluar pozicione të ndryshme që nga viti 2001. Ai është është Kryetar i Dhomës së Tregtisë Bullgaro-Shqiptare dhe anëtar i Bordit Drejtues të Shoqatës Shqiptare të Bankave.